Gwersylla neu Garafanio yn
Graig Wen
Rydyn ni'n falch iawn fod Cool Camping Wales wedi dewis Graig Wen yn un o'r 5 lle gorau i wersylla yng Nghymru. Gall gwersyllwyr sy'n defnyddio pabell ddewis eu safle o blith llennyrch cysgodol, dolydd cudd, neu glogwyn gyda golwg dros yr aber. I eraill sydd o ddifrif am adael y byd ar ôl, mae gennym safle gwersylla di-gerbyd.
Mwynhewch olygfa orau Cymru!
Gall gwersyllwyr a chanddyn nhw faniau mawr, cartrefi mudol, neu garafannau, ddefnyddio'n safle ar gyfer cerbydau teithiol; yno medrwch fwynhau golygfa odidog o aber y Fawddach a'r bryniau cyfagos, a chyfleusterau ymolchi hwylus.
Prynodd Sarah a John Graig Wen ym mis Medi 2007. Rydyn ni ar hyn o bryd yn ceisio gwella'r cyfleusterau ymolchi ac ailgylchu, gan ychwanegu at y nifer o safleoedd wedi'u cysylltu â'r trydan, ac ar yr un pryd yn rheoli cadwraeth deugain acer o'r Parc Cenedlaethol. Ond ein prif fwriad ydy gadael Graig Wen fel y mae - yn wyllt a gwych.
Os hoffech gael profiad bythgofiadwy, arhoswch yn un o'n yurta. Mae'n llety Gwely a Brecwast a'n bwthyn gwyliau yn cynnig dewis heblaw canfas ar gyfer misoedd y gaeaf.
Prisiau gwersylla (y noson)
£6 am bob oedolyn
£2 am bawb dan 16 oed
Plant dan 5 am ddim
Telerau gostyngedig i feicwyr neu heicwyr.
Adnoddau'r safleoedd gwersylla:
- ar agor rhwng 1 Mawrth a 31 Hydref
- un safle cyswllt trydanol a rhai safleoedd caled
- croeso i gŵn ufudd ar dennyn
- derbyniad ffôn symudol (petaech ei angen!)
- safle pwrpasol ar gyfer Sgowtiaid neu grwpiau Dug Caeredin dan oruchwyliaeth
Cysylltwch â Sarah neu John i neilltuo safle gwersylla benodol neu i gael rhagor o wybodaeth am adnoddau gwersylla: hello@graigwen.co.uk Ffôn: 01341 250482